[Blockierte Grafik: http://upload.wikimedia.org/wikipedia/commons/0/0b/Labskaus.jpg]
Wat bruuks för Labskaus?
För veer Lü
* 1 Kilo Kantüffeln. De warrd stampt. Kanns ok Kantüffelmus nehm.
* 1 Pund Pökelfleesch (kanns ok Corned Beef nehm. Un ok dat Dosenfleesch vun de EG, wat vun den Rindfleeschbarg kummt).
* 1 Zibbel
* Öl
* Suur inleggt Gurken. Köönt ok seutsuur Gurken sien
* Rode Beete (inleggt)
* Hering: Rullmops, Bismark oder ok de dänschen seuten Hering. Wahrschau: Kümmt jümmers blangenbi un ni nich mittenmang!
* 4 Eier (de kümmt as Spegeleei baben op)
* Dorto: Beer un Kööm
Woans geiht dat?
1. Kantüffeln schälen un koken, bit se week sünd.
2. Gurken un Rode Bete in lütte Stücken sneden. Man nich all´ns, mutt noch wat för de Dekoratschoon blieven.
3. Fleesch to Mus drücken
4. De Zibbeln in lütte Stücken sneden
5. Kantüffeln rutholen un to Mus stampen.
6. Öl in ´n grote Pann oder ´n groten Pott. Denn op´t Füer doon un heet moken
7. Zibbeln in de Pann un glasig warrn loten
8. Fleesch in de Pann un anbroten
9. Dat Füer lütt stelln.
10. Gurken un Rode Beete (nich allns) in den Pott met Zibbeln un Fleesch.
11. Kantüffelmus dorto
12. Warm holln un af un an dörröhrn. Nu hess Labskaus in´n Pott.
13. Spegeleier moken (in de Pann).
14. Labskaus op de Deller dohn. Nu hess ´n Labskausbarg.
15. 1-2 Gurken un Rode Beete blangenbi leggen.
16. de Hering kümmt half blangenbi un half op den Labskausbarg.
17. Baben op den Labskausbarg kümmt dat Spegelei
18. Fardig. Nu kanns Freten as dull.
